Himalaya: Jahan Raste Khud Safar Ban Jate Hain.
“Kabhi kabhi zindagi se ek lamha chura lena chahiye, Jahan sirf khamoshi ho, aur door kahin pahaadon ki aahatein...” Sheher ab thak chuka tha… aur main bhi. Traffic ki cheekh-pukaar, deadlines ka bojh, aur har subah ek hi sawaal — "Kya main khud se door ho gaya hoon?" Us din subah, maine koi notification nahi dekha… sirf ek awaaz suni — Himalaya bula raha tha. Ek Rasta Jo Kahin Nahi Jaata, Par Sab Kuch Dikhata Hai Himalaya mein sirf pahad nahi hote… yahaan har mod par ek kahani chhupi hoti hai. Manali ke raste par chalte hue, jab pehla barf ka tukda haathon mein aaya, to laga jaise waqt ruk gaya ho. Ek side par behata Beas nadi ka nirmal geet, doosri taraf insaan ke shabdon se pare ek prakriti ka sannata . Aur us sannate mein... main tha. Akela, lekin adhura nahi. Jahan Aasmaan Jhuk Kar Pahaadon Ko Choomta Hai Spiti ke barren landscapes ho ya Kasol ke pine forests... Himalaya ek canvas hai — khud ko dobara paane ka. Ek local baba ne kaha, “ Yeh pahaad sirf ...